Demokrat.az xəbər verir ki, bu barədə mənbələr Reuters agentliyinə məlumat veriblər.
Məlumata görə, husilər hərəkətə keçmək üçün siqnal gözləyirlər. Qırmızı dənizdən keçidin bağlanması isə qlobal enerji böhranını daha da dərinləşdirəcək.
Mənbə həmçinin bildirir ki, Səudiyyə Ərəbistanı hakimiyyəti bu təhdidi ciddi qəbul edir və böyük təşviş içərisindədir.
Adlarının açıqlanmasını istəməyən iki yüksək səviyyəli İran mənbəyi Tehranın Yəməndəki husi qruplaşmalarına ABŞ-ın İranın enerji infrastrukturuna zərbə endirəcəyi təqdirdə Qırmızı dənizdən keçən neft marşrutunu bağlamağa hazır olmağa çağırdığını bildirib. Bu, qlobal enerji təhlükəsizliyi üçün ciddi və yeni bir təhdid yaradır.
Ekspert dairələrində İran rəhbərliyi daxilində bu məsələnin müzakirə edildiyi, müvafiq mesajın husilərə çatdırıldığı barədə fikirlərin Tehranın mövqeyi kontekstində real göründüyü bildirilir.
Mənbələr bildiriblər ki, husilərə bu yaxınlarda Tehranın tələbi barədə məlumat verilib, lakin mesajın çatdırılması təfərrüatları və ya Trampın çərşənbə axşamı İranın enerji infrastrukturuna hücum etməklə bağlı hədəsi ilə hər hansı əlaqə barədə məlumat açıqlanmayıb.
İran rəsmiləri və husilərin mətbuat xidməti bu məlumatla bağlı Reuters agentliyinə dərhal şərh verə bilməyiblər.
Bir mənbənin sözlərinə görə, husilər artıq Bab əl-Məndəb boğazına yaxın ərazilərdə raket sistemləri və pilotsuz zərbə dronları yerləşdiriblər.
Alparslan Demokrat.az
