Yayın gəlişi ilə pəncərələri açmaq getdikcə çətinləşir. Evə doluşan ağcaqanadlar həm yuxumuzu ərşə çəkir, həm də bədəndə qaşıntılı qızartılara səbəb olur. Çoxları bu problemi həll etmək üçün kimyəvi spreylərə və ya aerozollara üz tutur. Lakin mütəxəssislər sağlamlığa zərər vurmayan, tamamilə təbii və ucuz alternativ təklif edirlər. Bunun üçün sizə evdə olan adi kağız salfet və bir neçə damcı efir yağı kifayətdir.
Məlumdur ki, bu bezdirici həşəratlar kəskin təbii qoxulardan qaçırlar. Evkalipt, lavanda, nanə və ya sitronella kimi bitki yağlarının ətri ağcaqanadların yön tapma hissini tamamilə dondurur.
Üsulun tətbiqi olduqca sadədir. Bir neçə qat qatlanmış qalın kağız salfetin və ya mətbəx dəsmalının üzərinə təxminən 15-20 damcı efir yağı damızdırılır. Yağ hopdurulmuş salfeti kiçik altlığa yerləşdirərək pəncərə önünə, qapı ağzına və ya çarpayının yanına qoymaq lazımdır. Salfet yağı özündə saxlayaraq xoş qoxunu saatlarca otağa yayır və həşəratların içəri daxil olmasının qarşısını alır.
Daha geniş otaqlarda bir neçə salfet hazırlayıb fərqli künclərə paylamaq olar. Ətir azalmağa başladıqda isə salfetin üzərinə yenidən bir neçə damcı yağ əlavə etməklə müdafiəni bərpa etmək mümkündür. İnsan orqanizmi üçün son dərəcə xeyirli və rahatladıcı olan bu ətirlər ağcaqanadlar üçün dözülməz sədə çevrilir.
Demokrat.az
