"EatingWell" portalı yay ziyafətləri və pikniklər üçün həm dadlı, həm də faydalı olan yeni salat reseptini təqdim edib.
Demokrat.az xəbər verir ki, rəngarəng görünüşü ilə seçilən bu salat manqalda közdən keçirilmiş tərəvəzlərdən hazırlanır və xüsusi kəsmikli-limonlu sousla süfrəyə verilir.
Lazım olan ərzaqlar:
1 stəkan tam buğda unundan orzo makaronu 1 ədəd orta boy qabaq (suxini) 1 ədəd qırmızı şirin bibər 2 ədəd təzə qarğıdalı 1 ədəd kiçik qırmızı soğan 3 xörək qaşığı zeytun yağı 1 banka (təxminən 400 q) konservləşdirilmiş qara lobya 1/4 stəkan doğranmış təzə keşniş
Sous üçün: ½ stəkan az yağlı kəsmik (cottage cheese), 1.5 çay qaşığı limon qabığı rəndəsi, 3.5 xörək qaşığı limon şirəsi, 5 xörək qaşığı su, 1 çay qaşığı bal, 1 çay qaşığı duz, həmçinin zövqə görə sarımsaq tozu və zirə.
Hazırlanma qaydası:
Makaronu bişirin: Orzo makaronunu qaynar suda 6-8 dəqiqə qaynadın, sonra süzüb soyuq su ilə yuyun.
Tərəvəzləri közləyin: Qabaq, bibər, soğan və qarğıdalını zeytun yağı ilə yağlayıb manqalda (və ya qril tavasında) yüngülcə qızarana qədər bişirin. Bişdikdən sonra tərəvəzləri orta ölçüdə doğrayın, qarğıdalı dənələrini isə ayırın.
Sousu hazırlayın: Kəsmik, limon şirəsi, su, bal, duz, ədviyyatlar və qalan zeytun yağını blenderdən keçirərək tam hamar kütlə halına gətirin.
Qarışdırın: Böyük bir qabda soyumuş makaronu, doğranmış tərəvəzləri, qara lobyanı və keşnişi birləşdirin. Hazırladığınız sousu üzərinə töküb yaxşıca qarışdırın.
Bu salat xüsusilə toyuq və ya burger xörəklərinin yanında əla qarnir rolunu oynayır.
Jalə Demokrat.az
