Bir dövrə damğa vuran “Doktorlar” serialında canlandırdıqları Ela və Zenan obrazları ilə yadda qalan Yasemin Ergene və Melike Güner illər sonra yenidən gündəmə gəlib.
Demokrat.az xəbər verir ki, Melike Günerin ad günü mərasimində bir araya gələn ikilinin birlikdə çəkdirdiyi fotolar sosial şəbəkələrdə böyük maraq doğurub.
Uzun illərdir dostluqlarını davam etdirən aktrisaların son halları serialın izləyiciləri tərəfindən də şərh edilib.
Yasemin Ergene sosial media hesabında paylaşım edərək Melike Güneri ad günü münasibətilə “Neçə belə gözəl illərə Melom” sözləri ilə təbrik edib.
Sosial şəbəkələrdə iki aktrisanın dəyişimi ilə bağlı “Estetik nə qədər təsirli olub”, “Çox gözəl görünürlər”, “Cavanlaşıblar” kimi şərhlər yazılıb.
Jalə Demokrat.az
