Tanışlıq üzrə məşqçi Eymi Çan insanlarla əlaqə qurmağı asanlaşdıran və onların daha müsbət reaksiya verməsinə səbəb olan sadə bir məşq tövsiyə edib.
Demokrat.az CNBC-yə xəbər verir ki, Çan müştərilərinə sevgi münasibətlərinə daha açıq olmaları və tanışlıq prosesində davranışlarını dəyişmələri üçün müxtəlif üsullar təqdim edir. Onun müşahidəsinə görə, insanlar xüsusilə tədbirlərdə və yeni tanışlıqlarda çox vaxt qapalı davranırlar.
Onun tövsiyə etdiyi əsas məşqlərdən biri “7 günlük göz kontaktı” adlanır. Məşqçinin sözlərinə görə, bu üsul sadədir: 7 gün ərzində, istər kofe alarkən barista ilə danışarkən, istərsə də küçədə kimisə görərkən, insanla göz kontaktı qurmaq və qarşı tərəf baxışını çevirənə qədər onu saxlamaq lazımdır. Burada məqsəd “sabit baxmaq” deyil, sadəcə təbii şəkildə baxışı qaçırmamaqdır.
“Tamamilə anın içində olursunuz. İdeya budur ki, danışdığım insan otaqdakı ən vacib şəxsdir”, deyə ekspert bildirib.
Onun izahına görə, bu məşq bir neçə səbəbə görə effektivdir:
* Birincisi, insanlar qarşı tərəfin bütün diqqətini onlarda hiss etməyi xoşlayırlar. * İkincisi, bu üsul daha dərin ünsiyyət və romantik münasibətlər üçün hazırlıq rolunu oynayır.
Eymi Çan əlavə edib: "Siz görəcəksiniz ki, insanlar sizə daha müsbət reaksiya verməyə başlayır… Göz kontaktı çox həssas və yaxınlıq yaradan bir jestdir… Əgər bunu edə bilmirsinizsə, istədiyiniz yaxınlıq və etibar səviyyəsini necə quracaqsınız?".
Jalə Demokrat.az
