İyun ayının ikinci yarısından etibarən bəzi bürclərin həyatında diqqətçəkən dəyişikliklər yaşana bilər.
Demokrat.az xəbər verir ki, astroloji şərhlərə əsasən, sevgi və cazibə planeti hesab edilən Venera iyunun 13-dən etibarən Xərçəng bürcündən çıxaraq Şir bürcünə keçir.
Bu keçid xüsusilə üç bürcə daha güclü təsir göstərəcək.
Veneranın Şir bürcünə keçməsi bu bürcün nümayəndələrinin diqqət mərkəzinə düşməsinə səbəb ola bilər. Münasibətdə olanlar üçün romantikanın güclənəcəyi, subayların isə yeni tanışlıqlarla qarşılaşa biləcəyi bildirilir.
Veneranın idarə etdiyi bürclərdən olan Tərəzi üçün də əlverişli dövr başlayır. Astroloqlar bu müddətdə Tərəzi bürcü nümayəndələrinin özlərini daha cəsarətli ifadə edə biləcəyini və münasibətlərdə mühüm addımlar ata biləcəyini vurğulayırlar.
Oxatan bürcü nümayəndələri üçün həm azadlıq hissini qorumaq, həm də emosional münasibətlər qurmaq baxımından maraqlı mərhələ başlaya bilər. Astroloji şərhlərdə yeni tanışlıqlar və macəra dolu münasibətlər ehtimalının artdığı qeyd edilir.
Xatırladaq ki, astrologiya elmi olaraq təsdiqlənmiş sahə deyil və bu cür proqnozlar astroloji inanclara əsaslanır.
İsmayıl Demokrat.az
