Adətən insanın nə dərəcədə ağılsız olduğunu onun vaxtını və pulunu nəyə xərcləməsi ilə müəyyən etmək mümkündür.
Demokrat.az xəbər verir ki, bu barədə "Your Tango" yazıb.
Nəşrin məlumatına görə, daha ağıllı olmaq istəyirsinizsə, vaxt və pul israfını dayandırın və aşağıdakı 4 şeydən uzaq durun:
1. Məhdud düşüncə
Qeyd olunur ki, hətta köhnə və yarı köhnəlmiş paltar geyinsəniz belə, düşüncə tərziniz “kral kimi” ola bilər.
“Daha geniş düşünmək, daha iddialı hədəflər qoymaq və onları cəsarətli addımlarla həyata keçirmək müəyyən cəsarət tələb edir, lakin bu, xüsusilə maliyyə baxımından həyatınızı xeyli asanlaşdıra bilər”, deyə məqalədə bildirilir.
Klinik psixoloq, doktor Bred Klontzun sözlərinə görə, “pul ssenariləri” insanın maliyyə həyatını şüuraltı şəkildə idarə edən inamlardır.
Eyni zamanda, “pulu rədd etmə ssenarisi” insanları yerində saxlayır, çünki bu insanlar varlanma ideyasını belə mənfi qəbul edirlər və bu yanlış düşüncələr onların uğur qazanmasına mane olur.
2. Problemlərdən qaçınmaq
Aşağı səviyyəli düşüncəyə malik insanların əsas davranışı hər kəsi narahat etməmək və mümkün qədər problemlərdən uzaq durmaqdır. Bu isə əlavə stress yaradır.
“Əgər maliyyə azadlığına doğru sıçrayış etmək istəyirsinizsə, problemləri fürsət kimi görməlisiniz. Onları həll etməyə çalışın və bunun qarşılığında qazanc əldə edin”, deyə nəşr tövsiyə edir.
Qeyd olunur ki, maliyyə məsələlərindən qaçmaq iqtisadi vəziyyəti daha da pisləşdirir və bu, bank çıxarışlarına baxmamaq, hesabları görməməzlikdən gəlmək və ya pulla bağlı söhbətlərdən tam uzaq durmaq kimi davranışlarda özünü göstərə bilər.
3. Bahalı əşyaların alınması
Nəşr izah edir ki, ehtiyac olmayan bahalı əşyaları almaq insana qısa müddətli məmnunluq və özünəinam hissi verir. Lakin bu hisslər müvəqqətidir və uzunmüddətli xoşbəxtlik və ya intellektlə əlaqəli deyil.
Tövsiyə olunur ki, impulsiv alış-verişdən uzaq durulsun. Hətta daha yaxşısı, maaşın avtomatik şəkildə əmanət hesabına köçürülməsi üçün bankda ayarlama etməkdir ki, puldan istifadə etməyə şüurlu imkan qalmasın.
4. Kasıblığın romantikləşdirilməsi
Məqalədə qeyd olunur ki, insanların eyni zamanda pula ehtiyacı olduğu halda varlanma istəyini utancverici hesab etməsi ən absurd yanaşmalardan biridir.
“Unutmayın: pul – sizə üstünlük verən bir vasitədir. Siz onu həm yaxşı, həm də pis məqsədlər üçün istifadə edə bilərsiniz”, deyə nəşr vurğulayır.
Bildirilir ki, uğur qazanan insanların heç biri doğuşdan satıcı olmayıb. Pul qazanmaq bacarığı öyrənilə bilən bir peşədir.
Məqalədə həmçinin qeyd olunur ki, insanlar təbii olaraq “satıcıdır”:
“Gəlir gətirən konkret bacarıqları öyrənin. Satış, inandırma, marketinq və biznesi araşdırın. Sizi pul və istədiyiniz həyat səviyyəsi arasında dayanan əsas amil tətbiq edilən bilikdir”.
Jalə Demokrat.az
