Qida məhsullarının tərkibindəki "E" nişanələri hər zaman kimyəvi qatqı və ya təhlükə mənasına gəlmir. Bir çox hallarda bu kodlar təbii mənşəli maddələri ifadə edir.
Demokrat.az xəbər verir ki, bunu süd məhsulları üzrə mütəxəssis İqor Qusev bildirib. O deyib ki, klassik ağartı məhsullarının keyfiyyətini müəyyən etmək üçün ilk növbədə onların təməl tərkibinə baxmaq lazımdır.
Ekspert vurğulayır ki, kərə yağı, xama və kəsmik kimi məhsullarda bitki yağlarından istifadə edilməsi qanunla qadağandır."Təbii qatıq və ya yoqurtun əsasını yalnız süd və mayalanma üçün lazım olan bakteriyalar təşkil etməlidir. Lakin desert və kəsmiklərdə rast gəlinən bəzi əlavələr istehlakçıları qorxutmamalıdır. Məsələn, tərkibdəki E440 kodu əslində alma və ya sitrus meyvələrindən alınan təbii pektindir. Bu maddə məhsulun toxumasını yumşaq saxlayır. E330 kimi qeyd olunan limon turşusu isə turşuluq səviyyəsini tənzimləyən təbii bir elementdir. Hətta qulağa tibbi termin kimi gələn "termofil streptokok" ifadəsi əslində yoqurtun hazırlanması üçün zəruri olan faydalı bakteriyaların elmi adıdır".
Yəni, süd məhsullarının tərkibində gördüyünüz hər "E" kodu zərərli deyil, onların çoxu meyvələrdən alınan təbii maddələrdir və uzunömürlü südlər kimyəvi qatqılarla deyil, müasir təmizləmə üsulları ilə hazırlanır."Bu məhsulların tərkibində yalnız süd piyi olmalıdır. Digər tərəfdən südün saxlama müddətinin uzun olması onun mütləq konservantlarla dolu olduğu mənasına gəlmir. Müasir texnologiyalar südü kənar mühitlə təmasda olmadan emal etməyə imkan verir. Ultra-pasterizə edilmiş südlər məhz bu qapalı sistemlər və xüsusi qablaşdırma sayəsində konservantsız uzun müddət təzə qalır"
İsmayıl Demokrat.az
