“Samirə Əfəndinin erməni iştirakçıya qarşı etdiyi hərəkətdə heç bir qəbahət yoxdur. Burada pis nə var ki? Biz sülh adamıyıq”.
Bunu Xalq artisti Niyaməddin Musayev Demokrat.az-a açıqlamasında deyib.
Onun sözlərinə görə, əsrlər boyu iki ölkə arasında müharibə olub:
“Müharibədə bizim də şəhidlərimiz oldu, amma onlardan da ölənlər oldu. İndi-indi yaxınlaşırıq, düşmənçiliyi aradan qaldırmağa çalışırıq. Samirə Əfəndi çox gözəl hərəkət edib, ermənini qucaqlasın da, öpsün də, nə olacaq ki?
Hər iki millətin bir-birinə yaxınlaşması, qaynayıb-qarışması çox yaxşıdır. Qoy bundan sonra ölkəmizdə heç bir evə od düşməsin. Daha şəhidimiz olmasın, heç kəsin gözü yaşlı qalmasın.
Allah şəhidlərimizə rəhmət etsin, bu gün onların sayəsində o torpaqlara ayaq basırıq. Arzumuz budur ki, bundan sonra daim sülh olsun”.
Leyla Turan Demokrat.az
