Bakının Yasamal rayonunda güllələnmə hadisəsi baş verib.
Demokrat.az APA-ya istinadən xəbər verir ki, hadisə Şərifzadə küçəsində qeydə alınıb.
Binəqədi rayon sakini, 1989-cu il təvəllüdlü Muradov Zülfü İlqar oğlu naməlum şəxs tərəfindən idarə etdiyi 10-OP-021 dövlət qeydiyyat nişanlı "VAZ 2121" ("Niva") markalı avtomobilində tapança ilə güllələnib.
Ona ümumilikdə dörd güllə vurulub. Yaralı ağır vəziyyətdə xəstəxanaya yerləşdirilib.
Bundan başqa, "Niva" markalı avtomobildə daha bir nəfər - sərnişin İlkin Babayev də güllələnib.
Bildirilir ki, o, xəsarətini diz nahiyəsindən alıb.
İ.Babayev xəstəxanaya yerləşdirilib, vəziyyəti kafi qiymətləndirilir.
Fakt araşdırılır.
