Birləşmiş Krallığın bir çox mükafatlara layiq görülmüş #Selector radio verilişi geri qayıdır.
Bu barədə Demokrat.az-a "British Council"un Azərbaycan nümayəndəliyindən məlumat verilib.
Məlumata görə, #SelectorRadio 14 dekabr 2019-cu il tarixindən başlayaraq ayda iki dəfə şənbə günləri saat 21:00-da ASAN Radio 100 FM-də yenidən yayımlanacaq.
Veriliş 2017-ci ildə böyük uğur qazanmış birinci mövsümündən sonra yenidən efirə buraxılır. Dünyada 30-dan çox ölkədə yayımlanan Selector Birləşmiş Krallığın musiqi səhnəsində hazırda insanlara zövq verən hər şeyi qlobal auditoriyaya çatdırır.
