"Azərbaycan hazır olmalıdır" — Rusiya bu addımları ata bilər

KİV-də yayılan son məlumatlara görə, Rusiya Azərbaycana qarşı “daha sərt tədbirlər” görməyə hazırlaşır. Bəs bu tədbirlər hansı müstəvidə ola bilər?

Bu barədə Demokrat.az-a danışan REAL Partiyasının sədri Natiq Cəfərli deyib ki, miqrantlarla bağlı daha sərt qərarlar ola bilər:

"İkincisi bazardır, çünki Azərbaycan kənd təsərrüfatı məhsullarının böyük hissəsini Rusiyaya satır. Hətta bu problem olmasa da, Azərbaycanın xarici ticarətdə Rusiyadan bu qədər asılı olması doğru deyil. Onsuzda biz əlavə bazarlar tapmalıyıq ki, bu bazardan asılılığı azaldaq.

Üçüncüsü isə pul köçürmələridir, Rusiyadan pul köçürmələrində axsamalar ola bilər. Bu da bölgələrdəki insanların ailələrinə göndərdiyi vəsaitin azalmasına səbəb olacaq. Azərbaycan hazır olmalıdır, bunu bir problemə yox, fürsətə çevirməlidir”.

Cavidan Mirzəzadə Demokrat.az