Balakən rayonunda ölümlə nəticələnən yol-nəqliyyat hadisəsi olub.
Oxu.Az-ın məlumatına görə, hadisə Mahamalar kəndi ərazisində qeydə alınıb.
Qeyd olunub ki, Oruc Yekəyev idarə etdiyi "Ford Transit" markalı avtomobili geriyə hərəkət etdirərkən piyada, 1954-cü il təvəllüdlü Pitimat Eminovanı vurub. Qadın aldığı xəsarətlərdən ölüb.
Daxili İşlər Nazirliyinin (DİN) Mətbuat Xidmətinin Şəki regional qrupundanOxu.Az-a bildirilib ki, faktla bağlı ərazi üzrə polis orqanında cinayət işi başlanılıb, istintaq aparılır.
