Gürcüstanın Azərbaycandakı səfiri Zurab Pataradzenin səlahiyyət müddəti başa çatır.
Demokrat.az xəbər verir ki, bu barədə Gürcüstan hökumətinin saytı məlumat yayıb.
Səfirin səlahiyyət müddəti 2025-ci il yanvarın 1-də bitəcək. Zurab Pataradzenin başqa ölkəyə səfir təyin edilib-edilməyəcəyi açıqlanmayıb.
Qeyd edək ki, Zurab Pataradze 2018-ci ildə Azərbaycana səfir təyin edilib. Diplomat 2016-2018-ci illərdə Acarıstan hökumətinə rəhbərlik edib. Həmçinin o, Türkiyə və Qazaxıstanda səfir olub.
