Buğda idxalı qadağası uzadıldı — Azərbaycana təsiri olacaqmı?

Qazaxıstan hakimiyyəti buğdanın bütün nəqliyyat vasitələri ilə idxalına qoyulan qadağanın müddətini 2024-cü ilin sonuna qədər uzadıb. Bildirilib ki, buğdanın boz sxemlərlə ölkəyə idxalı və Rusiyanın sərhədyanı rayonlarından avtomobil yolu ilə təkrar ixracı təhlükəsi hələ də qalmaqdadır. Proqnozlara əsasən Qazaxıstanda taxıl biçini ötən ildən daha yüksək olacaq.

İqtisadçı ekspert Xalid Kərimli Demokrat.az-a açıqlamasında Qazaxıstandakı qadağanın Azərbaycana təsirinin olmayacağını bildirib:

“Azərbaycan son illərdə 95 faiz buğdanı Rusiyadan alır. Qazaxıstan buğda ixracına qadağanı iki il bundan əvvəl qoymuşdu, elə həmin vaxtdan demək olar ki, Azərbaycana buğda satmır. Bu məhdudiyyətin Azərbaycana heç bir neqativ təsiri olmayacaq. Əlbəttə qadağa ortadan qaldırılsaydı, xeyri olardı, Azərbaycan buğda tədarükündə tək bir ölkədən asılı olmazdı”.

Törə Zeynallı Demokrat.az