“Ödənişin qəbul edilməməsi halı ilə üzləşən vətəndaş..." — AÇIQLAMA

“Konstitusiya, Mülki Məcəllə, və Valyuta tənzimi haqqında" qanunda Azərbaycan Respublikasında manat ölkə daxilində ödəniş vasitəsi kimi təsdiq edilib. Qəpik də manatın bir hissəsidir. Nağd ödənişlərin qəbul edildiyi yerlərdə istehlakçı miqdarından aslı olmayaraq ödənişi 1,3 və 5 qəpiklərlə edərsə, satıcı ödənişi qəbul etməlidir. Əks halqa qanun pozuntusuna yol vermiş olur”.

Bu sözləri Demokrat.az-a açıqlamasında iqtisadçı-ekspert Xalid Kərimli deyib.

O, qeyd edib ki, kartla ödənişlərin artması bu məsələni biraz kölgəyə salsa da, problem aktual olaraq qalır. Satışla məşğul olan bəzi obyektlər hələ də xırda qəpiklərlə ödənişləri qəbul etməkdən boyun qaçırır. Ekspert bildirib ki, məsələnin həllində cəmiyyətin də üzərinə yük düşür:

“Ödənişin qəbul edilməməsi halı ilə üzləşən vətəndaş Azərbaycan Respublikası İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə müraciət edərək şikayətini bildirməlidir. Lakin bir çox hallarda vətəndaşlar bunu etmir. Bununla da belə halların sayı artır.İstehlakçılar bilmədir ki, satıcılar qəpiklə ödənişləri qeyd-şərtsiz qəbul etməlidir. Onlar bundan imtina etdikdə isə ən məqsədə uyğun addım aidiyəti quruma şikayət etməkdir. Hər kəs öz hüququnu bilsə və qorusa bu problem köklü şəkildə həllini tapar”.

Rüfət Məhərrəmov Demokrat.az