Bakı-Sumqayıt-Bakı "Ekspres" qatarı fəaliyyətə başlayır. Qatar heç bir stansiyada dayanmadan birbaşa hərəkət edəcək.
"Azərbaycan Dəmir Yolları" QSC-nin məlumatına görə qatar iş günləri Bakıdan Sumqayıta saat 06:50 və 18:05-də, Sumqayıtdan Bakıya isə saat 07:45 və 20:05-də hərəkət edəcək.
Nəqliyyat eksperti Elməddin Muradlı Demokrat.az-a açıqlamasında deyib ki, ekspres qatarının fəaliyyətə başlaması sərnişin sıxlığının azalmasına təsir edəcək:
“Ekspres qatar və avtobusların əsas mahiyyəti sərnişini bir nöqtədən götürüb, digər nöqtəyə çatdırmaqdır. Müntəzəm marşrut xətləri kimi hər stansiyada dayanmır, mənzil başına daha sürətli çatmağı təmin edir. Bakı-Sumqayıt-Bakı istiqamətində sərnişin sıxlığını bu yolla azaltmaq mümkündür. Sərnişinlər artıq şəxsi avomobil və ya manatlıq taksilərə deyil, ekspres qatarlarla hərəkətə üstünlük verəcəklər”.
Törə Zeynallı Demokrat.az
