ABŞ-dan bir daha İsveçin üzvlüyünə dəstək bəyanatları gəlib.
Demokrat.az xəbər verir ki, bu barədə "BBC" məlumat yayıb.
Bildirilib ki, ABŞ Prezidenti Co Bayden dünən Ağ Evdə NATO-nun baş katibi Yens Stoltenberqi qəbul edib.
Stoltenberqin səfərindən sonra Ağ Evdən verilən açıqlamada İsveçin ən qısa zamanda NATO-ya daxil olmasının vacibliyi vurğulanıb.
Ağ Ev sözçüsü Karin Jan-Pyer İsveçin keçən il Türkiyə və Finlandiya ilə imzaladığı "Üçlü Memorandum"dakı öhdəliklərini yerinə yetirdiyini söyləyib:
"Bura İsveçin bu yaxınlarda qəbul etdiyi antiterror qanunu da daxildir. İsveç NATO dəyərlərinə malik güclü və bacarıqlı müdafiə tərəfdaşıdır. İsveç mümkün qədər daha tez NATO üzvü olmalıdır".
Aysu Demokrat.az
