Bakıda tanışını qətlə yetirməkdə təqsirləndirilən Sahil Məmmədovun cinayət işi üzrə məhkəmə prosesi başa çatıb.
Demokrat.az xəbər verir ki, Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə baş tutan prosesdə təqsirləndirilən şəxsə hökm oxunub.
Məhkəmənin hökmü ilə Sahil Məmmədov 16 il 6 ay müddətinə azadlıqdan mərhum edilib.
İttihama görə, hadisə ötən ilin iyulunda Suraxanı rayonunda baş verib.
1978-ci il təvəllüdlü Sahil Məmmədov şəxsi münasibətlər zəminində aralarında yaranmış münaqişə zamanı bıçaqla çoxsaylı xəsarətlər yetirərək 1985-ci il təvəllüdlü Aynurə Əliyarovanı qətlə yetirib.
Məlum olub ki, Sahil Mə çıdobla Aynurə Əliyarovanın arasında sevgi münasibəti olub.
Hadisə də qısqanclıqdan baş verib.
Sahil Məmmədova qarşı Cinayət Məcəlləsinin 120.2.4-cü (qəsdən adam öldürmə, xüsusi amansızlıqla və ya ümumi təhlükəli üsulla adam öldürmə) maddəsi ilə ittiham irəli sürülüb.
Fariz Məlikli Demokrat.az
