"Rusiya günahı Azərbaycanın üstünə atır" — ŞƏRH

"Azərbaycan və Ermənistan arasında sülh sazişi üzrə işi çətinləşdirən bir çox məqam var".

Bu fikirləri Demokrat.az-a açıqlamasında politoloq Fuad Abbasov deyib. Politoloq qeyd edib ki, bu məqamların başında da Rusiya gəlir:

"Necə ki, Rusiya 9 noyabr 2020-ci il sazişinə məhəl qoymadan Azərbaycan torpaqlarında erməni quldurlarını silahlı birliklərinin qorunmasına, fəaliyyətlərinin davam etməsinə havadarlıq edir və bu sülh müqaviləsinin imzalanmaması üçün əngəllər törədir. Ondan başqa bu sazişdə göstərilən və Rusiya-Ermənistan tərəfindən həyata keçirilməyən bir çox maddə var. Amma, Azərbaycan ekoloqlarının son fəaliyyətlərini əlində bayraq edən rus tərəfi bunu sülh müqaviləsinin imzalanması üçün bir maneə göstərir. Həmçinin, işi çətinləşdirən bir meyar kimi göstərir. Bu da ki, rus tərəfinin günahı Azərbaycana atmaq fəaliyyətindən fərqli bir şey deyil".

Nəzrin