Azərbaycan Karate-Do Federasiyasının təşkilatçılığı ilə növbəti yarış keçirilib.
Demokrat.az-ın xəbərinə görə,qurumun üzvləri 3-cü dəfə reallşan karate üzrə reytinq turnirində qüvvələrini sınayıblar. İdmançılar bütün yaş qrupları üzrə qalibləri müəyyənləşdiriblər.500-ə qədər karateçinin mübarizə apardığı yarışda həm oğlanlar, həm də qızlar bütün çəki dərəcələrində mübarizə aparıblar.
Turnirin mükafat fondu 25 min manat təşkil edib. Qalib idmançılara federasiya tərəfindən pul mükafatları təqdim olunub.
Dünya Müasir Döyüş növləri Federasiyasının Avropa üzrə vitse-prezidenti, Dünya və Avropa çempionu Arif Məmmədov il ərzində beynəlxalq və daxili yarışlarda medal qazanan idmançıların ilin sonunda mükafatlandırılacaqlarını bildirib.
Nəticələrinə gəlincə, kişilər arasında Samir Məmmədovla Samir Ibadov baş mükafata yiyələnib. Qadınların turnirində Alika Semixova çempion olu. Yeniyetmə və gənclərdən Elton Əliyev, Rəsul Abbasov, Musa Məmmədov, Rza Maxsudlu, Cavid Məmmədli, Murad Cavadzadə, Nicat Müslümov, Hübeyb Abbaszadə və Arif Xəlil oğlanların yarışında bütün rəqiblərini üstələyiblər. Mədinə Kazımova, Asel Məmmədova, Xədicə Mürsəlova, Cansu Əhmədzadə və Humay Quliyeva isə qızlar arasında fəxri kürsünün zirvəsinə qalxıblar.
