“İran ABŞ və Qərb dünyasına hər an onların geosiyasi maraqlarına xidmət etməyə hazır olduğunu nümayiş etdirir” — TƏHLİL

“İran daxilindəki gərginliyi bu cür süni yollarla hədəfi çaşdırmağa çalışır”.

Bu fikirləri Demokrat.az-a açıqlamasında politoloq Natiq Miri deyib. Politoloqun sözlərinə görə, İran daxili ictimai rəydə hədəfi çaşdırmaq, süni düşmən obrazlarrı yaratmaqla ən azından yenidən toplumu dövlət ətrafında toparlamaq istəyir, bununla da, dövlətdə siyasi və dini rejimin tamamilə məhv olmasının qarşısını almaq istəyir.

“Bu gün İranın buna ehtiyacı var və əslində Azərbaycan,Türkiyə, İsrail, hətta ABŞ kimi süni düşmən obrazlarının yaradılması da məhz bu əsas niyyətə xidmət edir. Əlbəttə, bu, böyük bir planın tərkib hissəsidir. Bu planın önündə antiTürkiyə, Azərbaycan-Türkiyə qardaşlığı, müttəfiqliyi durur. Qlobal səviyyədə bilirsiniz ki, artıq Qərb dünyası, başda da ABŞ və Fransa olmaqla antiƏrdoğan, antitürk hücumuna keçiblər. 2023-cü il Türkiyədəki prezident seçkiləri öncəsi Türkiyənin bütün geosiyasi nailiyyətlərinin üstündən xətt çəkməklə, çətin vəziyyətə salmaq və Ərdoğanı hakimiyyətdən düşürməklə, bütövlükdə özlərinin geosiyasi istəklərinə nail olmaq istəyirlər. Bu gün Qərb dünyasının qarşısında ən böyük əngəl böyüyən güclənən Ərdoğan amilidir. Türkiyə ilə bağlı bəzi zəncirlər də var. Bu, əslində böyük mənzərənin həlqələridir ki, Türk dünyasının yenidən toparlanır. Bu xüsus da əlbəttə ki, Türkiyə ilə müttəfiq olan, yenidən toparlanmaq istəyən və dünyada yeni bir güc mərkəzinə çevrilmək istəyən Türk dünyası da zərər göndərməkdədir. Bu xüsus da Azərbaycan da zərər görür”.

“Baxmayaraq ki, Praqada Avropa Birliyi və Fransa prezidenti iştirakı ilə Ermənistan-Azərbaycan arasında müəyyən razılıq əldə olundu. Ancaq bundan sonra baş verən hadisələr heç də bu razılaşmanın ruhuna adekvat addımlar deyil. Bu proses, bu yöndə inkişaf etmir, əksinə Azərbaycan əleyhinə proseslər intensivləşib. Bir tərəfdən Fransanın senatına bilirsiniz ki, antiAzərbaycan bir qətnamə layihəsi verilib və bütün bunların arxasında da yenə də antuitürk siyasəti durur. Düşünürəm ki, İranın bu cür aktivləşməsinin ikinci əsas səbəbi də məhz budur. İran dolayısıyla həm Azərbaycan, həm Türkiyə sərhəddində bu cür hərbi təlimlər keçirtməklə, özünü ABŞ və Qərb dünyasına təqdim edir. Hər an onların geosiyasi maraqlarına xidmət etməyə hazır olduqlarını nümayiş etdirmək istəyirlər. Bununla da, İran düşünür ki, Qərb dünyasının, o cümlədən ABŞ-ın ciddi iqtisadi sanksiyalarından qurtalacaq və bu xüsusda İranın daxilindəki etirazlarına əgər Qərb dünyasında ciddi dəstək olmazsa, çox yaxın zamanda səngidə və bütövlükdə basdıra bilər. Əsas iki hədəf bundan ibarətdir”, deyə sonda politoloq qeyd edib.

Aynurə Demokrat.az