Ukrayna hakimiyyəti Şimali Koreya ilə diplomatik əlaqələri kəsmək qərarına gəlib. Buna səbəb qondarma “DXR” və “LXR”in tanınması olub.
Demokrat.az rbc.ua-ya istinadən xəbər verir ki, bu barədə Ukrayna Xarici İşlər Nazirliyinin bəyanatında deyilir.
Nazirlikdən bildirilib ki, Ukrayna KXDR-in qondarma respublikaları tanımasını Pxenyan tərəfindən ölkənin suverenliyinə xələl gətirmək cəhdi kimi qiymətləndirir.
Qeyd edək ki, Ukrayna ilə Şimali Koreya arasında diplomatik münasibətlər hələ 1992-ci ildə qurulub.
