10 iyul 2022-ci il tarixində Salyan rayon Gənclər və İdman İdarəsi tərəfindən “İdman hamı üçün” layihəsi çərçivəsində “Boks hamı üçün” devizi altında nümunəvi çıxışlar təşkil edilmişdir.
Demokat.az xəbər verir ki, Salyan şəhəri Taleh Davudzadə küçəsində yerləşən Boks idman zalında təşkil edilən kütləvi idman tədbirində uşaq, yeniyetmə və gənclər iştirak etmişlər.İdmançılar boks idman növü üzrə məşqçi müəllim Fəxrəddin Quliyevin rəhbərliyi ilə müxtəlif fəndlər nümayiş etdirmişlər. Kütləvi idman tədbirinin təşkilində əsas məqsəd uşaq , yeniyetmə və gənclər arasında boks idman növünə marağın artırılması və sağlam həyat tərzinin təbliğidir.
