Erasmus+ təqaüdü ilə Polşanın Torun şəhərində yerləşən Nicolaus Copernicus Universitetində təcrübə keçmək üçün Qərbi Kaspi Universiteti tələbələri arasında keçirilən açıq müsabiqə başa çatıb.
Seçim komitəsi tərəfindən 3 meyardan istifadə olunub: tələbələrin akademik göstəriciləri, ingilis dili bilikləri və sosial fəallığı.
Müsabiqənin yekunlarına əsasən Turizm və Otelçilik ixtisası üzrə təhsil alan 3-cu kurs tələbəsi Zemfira Muxtarova qalib seçilib.
Beləliklə, tələbəmiz 2021/2022-ci təhsil ilinin yay aylarında Erasmus+ proqramı çərçivəsində Nicolaus Copernicus Universitetində təcrübə keçəcək.Təcrübə müddəti 2 ayı əhatə edəcək və hər ay ərzində tələbə yaşayış xərclərini qarşılamaq üçün 800 avro dəyərində təqaüd əldə edəcək, həmçinin səyahət xərcləri də Erasmus+ proqram tərəfindən qarşılanacaq.
Məlik Demokrat.az
