Almaniyanın populyar “Aphorismen.de” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində Xalq şairi Ramiz Rövşənin “İlan balası” şeirinin və poeziyasından seçmə misraların yayınına başlayıb.
Demokrat.az xəbər verir ki, şairin yaradıcılığı haqqında məlumatla təqdim olunan materialın alman dilinə sətri tərcümə müəllifi – Mərkəzin alman dili tərcüməçisi Məryəm Səmədova, bədii redaktoru – Tomas Şefterdir.
Qeyd edək ki, geniş oxucu auditoriyası tərəfindən izlənən “Aphorismen.de” müntəzəm olaraq səhifələrində Sokrat, Demokrit, Çarlz Dikkens, Yunis Əmrə, Yohann Volfqanq Höte, Teodor Fontane kimi dünya şöhrətli filosofların, yazıçı və şairlərin yaradıcılığını işıqlandırır.
https://www.aphorismen.de/autoren/person/11630/Ramiz+Rovshan https://www.aphorismen.de/suche?f_autor=11630_Ramiz+Rovshan
Məlik Demokrat.az
