Hacı Qalib Salahzadəni məhkəməyə verən şəxsdən şikayət var — FOTOLAR

Bir neçə ay əvvəl keçmiş deputat Hacı Qalib Salahzadəni məhkəməyə verən Seymur Quliyev onu təhdid edir. 

Demokrat.az xəbər verir ki, bu barədə Seymur Quliyevin qohumu İlham Quliyev məlumat verib.
 
İ.Quliyev bildirib ki, Seymur Quliyev tərəfindən dəfələrlə döyülüb, evi əlindən alınıb. O, bununla bğlı hüquq-mühafizə orqanlarına da müraciət edib:

“O, dəfələrlə məni döydürüb, küçələrdə qalmışam. Birinci vitse-prezidentə, daxili işlər naziri Vilayət Eyvazova müracət etmişəm. O, mənə şər atıb, buna görə həbs edilmişəm. Buna baxmayaraq, o, öz qanunsuz əməllərini davam etdirir. Hətta keçmiş deputat Hacı Qalib Salahzadəyə şər atır, onu təhdid edir. Hələ də mənə qarşı hədələri davam etdirir. O, öz anasını dəlixanaya yerləşdirib. Bütün maddi imkanları ələ keçirib. Ondan dəfələrlə şikayət etmişəm, amma hər şikayətdən sonra mənə qarşı fiziki şiddət göstərib. Məsələnin birdəfəlik həll edilməsini istəyirəm”.

İlham Quliyev qeyd edib ki, S.Quliyev onu qeydiyyatdan silib, bütün haqlarından imtina etməyə məcbur edib, dəfələrlə ölümlə hədələyib. İ.Quliyev məsələnin hüquqi cəhətdən həll edilməsini istəyir.





Aygül
Demokrat.az