Taksi sürücüsünü öldürüb basdırmaqda şübhəli bilinən şəxs saxlanıldı


KRİMİNAL 30 iyl 2021, 19:45
İyulun 27-də rayonun Talışlı kənd sakini İlham Cavadovun yaşadığı evdən çıxaraq bir daha geri qayıtmaması barədə rayon prokurorluğuna məlumat daxil olub.
 
Lənkəran rayon prokurorluğundan Demokrat.az-a verilən məlumata görə, hadisə iıə bağlı prokurorluq və polis əməkdaşları tərəfindən təxirəsalınmaz istintaq-əməliyyat tədbirləri həyata keçirilib. Nəticədə rayon sakini Elvin Hüseynzadənin taksi sürücüsü kimi fəaliyyət göstərən zərərçəkmişin avtomobilinə sərnişin qismində minib evə çatdıqdan sonra aralarında yaranmış mübahisə zamanı bıçaqla İlham Cavadova çoxsaylı xəsarətlər yetirərək onu qəsdən öldürməsinə və daha sonra evinin həyətində basdırmasına əsaslı şübhələr müəyyənləşib.
 
Faktla bağlı Lənkəran rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
 
Elvin Hüseynzadə şübhəli şəxs qismində istintaqa cəlb edilib.
 
Hazırda iş üzrə istintaq davam edir.


DİGƏR XƏBƏRLƏR

XƏBƏR LENTİ
Top