Olimpiadaya vəsiqə qazanan idmançımız zədələndi


İDMAN 20 iyl 2021, 14:34
Sərbəst güləş üzrə Azərbaycan millisinin üzvü Hacımurad Hacıyev zədələnib.

Demokrat.az xəbər verir ki, 74 kq-da mübarizə aparan idmançı Tokio-2020 Yay Olimpiya Oyunlarına vəsiqə qazansa da, Yaponiyaya gedə bilməyəcək. Hacıyev güləş millisinin Göygöldə məşqləri zamanı zədələnib və müalicə olunsa da, sağalmayıb.

Olimpiadaya vəsiqə qazanan idmançının məşqlər zamanı ciddi xəsarət almasının səbəbi isə açıqlanmayıb. Onun yerinə komandamızın digər üzvü Turan Bayramov yarışa qatılacaq.

Hacımurad Hacıyevin Olimpiadaya getməyəcəyi bir müddət öncədən bəlli olsa da, Azərbaycan Güləş Federasiyası bunu təkzib edirdi. Federasiya 74 kq-da yarışacaq idmançını zədəli vəziyyətdə Tokioya aparmaq niyyətində olsa da, vəziyyətinin ağırlığı buna imkan verməyib.(qafqazinfo.az)


DİGƏR XƏBƏRLƏR

XƏBƏR LENTİ
Top