KİV: Kim Çen In KXDR-də aclıq təhlükəsini elan etdi


DÜNYA 16 iyn 2021, 08:56
Koreya Xalq Demokrati Respublikasının (KXDR) lideri Kim Çen In Koreya Əmək Partiyasının Mərkəzi Komitəsinin plenumunda çıxışı zamanı ölkədə mümkün ərzaq çatışmazlığı haqqında bildirib.

Demokrat.az xəbər verir ki, bu barədə "Nodon sinmun" qəzeti məlumat yayıb.

"Ötənilki tufanın vurduğu zərərə görə taxıl istehsalının artımı üzrə plan yerinə yetirilməyib, bununla əlaqədar olaraq hazırda əhalinin ərzaqla təminatında gərgin vəziyyət yaranır", - Şimali Koreya lideri deyib.

Kim Çen Inın sözlərinə görə, koronavirusla əlaqədar karantin tədbirlərinin müddətinin artırılması Koreya Xalq Demokratik Respublikasında "əhalinin geyim, qidalanma və evlə təminatı üçün mübarizənin uzanmasına gətirib çıxarıb".

Bundan başqa, Kim Çen In partiyanı və Şimali Koreyanın xalqını yeni "çətin yürüşə" hazır olmağa çağırıb. Koreya Xalq Demokratik Respublikası tarixində bu termini XX əsrin 90-cı illəri adlandırırlar. Həmin vaxt ölkə kütləvi aclıq səbəbindən ağırlaşan ağır iqtisadi böhrandan əziyyət çəkib.(report.az)


DİGƏR XƏBƏRLƏR

XƏBƏR LENTİ
Top