Rəşad Məcid Zəngilana səfər edən bəzi yazarları sərt tənqid etdi: "Boşuna hay-küy saldılar"


GÜNDƏM 12 apr 2021, 17:30
“525-ci qəzet”in baş redaktoru Rəşad Məcid Zəngilana gedən jurnalistlərin bəzilərini sərt tənqid edib.

Demokrat.az xəbər verir ki, Rəşad Məcid özünün facebook səhifəsində bildirib ki, bundan əvvəl media rəhbərlərinin Ağdama səfəri ilə bağlı qalmaqal yaranmışdı.

O daha sonra bunları bildirib:

“Bu özünü “yeni media”, “peşəkar jurnalist” adlandıran bəzi sayt əməkdaşlarına bir inşa, lap elə, bir imla yazdıran lazımdır ki, görək hələ cümlənin baş-ayağından, dilin qayda-qanunlarından düz-əməlli xəbərləri varmı? Hər fürsətdə özünü gözə soxan, hər yerdə başa keçməyə çalışan bu yeni özündənrazıların bir çoxu keçmiş reket qəzetlərdən “yeni mediaya” transfer olunublar.

İşğaldan azad olunmuş bölgələrə canfəşanlıqla səfər edən belə “jurnalistlərin” bu barədə hansısa normal bir yazısını, təəssüratını kimsə xatırlayırmı? Hələ bir durub da redaktorlara rişxənd edirlər. Halbuki təkcə Ağdam səfərindən media rəhbərləri nə qədər səviyyəli yazılar yazdı. Belə yazılardan birini də iddiası yerə-göyə sığmayan o “jurnalistlər” yazıb ortaya çıxaraydılar də. Yoxsa boşuna hay-küy salmaqla, stəkanda firtına yaratmaqla, İP yğımaq xatirinə eşitdiyin hər xəbəri dürüstlüyünü dəqiqləşdirmədən, ala-çiy, başayaq cümlələrlə qoparaq sayta yerləşdirməklə deyil ki.

Ara qarışıb, məzhəb itəndə, xaos yarananda həqiqi dəyərlər də yoxa çıxır.

Amma gedişatını nə qədər ləngitməyə, yolunu dəyişməyə çalışssalar da, Zaman elə Zamandır: yağı yağ, ayranı ayran edən hökmünu bir gün mütləq verir!..”

Demokrat.az


DİGƏR XƏBƏRLƏR

XƏBƏR LENTİ
Top