Partiya sədri: Siz zədələnən qürurumuzu və milli mənliyimizi millətimizə qaytaran fenomenal tarixi şəxsiyyətsiniz

GÜNDƏM 24 dek 2020, 14:34
Ana Vətən Partiyasının sədri, millət vəkili Fəzail Ağamalı Prezident İlham Əliyevi təbrik edib.

Demokrat.az xəbər verir ki, təbrikdə deyilir:

"Zati - Aliləri, Möhtərəm, Cənab Prezident!

Sizi Doğum günü münasibətilə səmimi qəlbdən təbrik edir, Ulu Tanrıdan Sizə möhkəm can sağlığı, ailə səadəti, çətin və olduqca şətəfli fəaliyyətinizdə müvəffəqiyyətlər diləyirəm.

Bütün varlığınızla Azərbaycana bağlılığınız, xalqımıza fədəkar xidmətinizlə, Azərbaycanın müstəqil və hüququ dövlət olduğunu bütün siyasi arenalarda dünya ictimaiyyətinə sübut etməyinizlə, qətiyyətiniz və dəmir iradənizlə, yüksək intelekt və unikal bacarığınızla hər bir Azərbaycanlının qürur mənbəyi, sevimli və alternativsiz liderisiniz.
Möhtərəm, Cənab Prezident!

Sizin Dəmir Yumruğunuzla rəhbərlik etdiyiniz Müzəffər Ordumuz və vətənpərvər xalqımızla 44 günə xalqımızın 30 illik yurd həsrətinə son qoydunuz, erməni faşizmi üzərində tarixi qələbə qazandınız.

Siz zədələnən qürurumuzu və milli mənliyimizi millətimizə qaytaran fenomenal tarixi şəxsiyyətsiniz. Sizinlə fəxr edir, qürur duyuram. 

Bir daha doğum gününüz mübarək! 

Əbədi olaraq Ulu Tanrının pənahında olasınız. Amin!"

SEÇİLMİŞ XƏBƏRLƏR

DİGƏR XƏBƏRLƏR

Top