Ərdoğan Azərbaycana səfərində imzalanan sənədləri açıqladı


XARİCİ SİYASƏT 11 dek 2020, 14:11
Türkiyə Prezidenti Rəcəb Tayyib Ərdoğan Azərbaycana səfəri başa çatdıqdan sonra Heydər Əliyev Beynəlxalq Aeroportunda jurnalistlərin suallarını cavablandırıb.

Bu barədə “Haber Global” məlumat yayır.

O qeyd edib ki, Azərbaycana səfəri zamanı ikitərəfli münasibətlər də müzakirə edilib və beş müqavilə imzalanıb.

“Əlaqələrimizi bundan sonra da davam etdirəcəyik. Azərbaycan Avtomobil Yolları Dövlət Agentliyi ilə “BMC AZ” şirkəti arasında Anlaşma Protokolu, “BMC Otomativ Sənaye və Ticarət” şirkəti ilə Bakı Nəqliyyat Agentliyi arasında Anlaşma Protokolu, Azərbaycan Respublikasının Kiçik və Orta Biznesin İnkişafı Agentliyi və Türkiyə Respublikasının Prezidenti yanında İnvestisiya Ofisi arasında Anlaşma Memorandumu, Azərbaycan Respublikası ilə Türkiyə Respublikası arasında media sahəsində strateji əməkdaşlıq haqqında Anlaşma Memorandumu imzalanıb”.

O bildirib ki, hər iki ölkə arasında vizasız gediş-gəlişlə bağlı razılığa da gəlinib.

Demokrat.az


DİGƏR XƏBƏRLƏR

XƏBƏR LENTİ
Top