Xəbər verdiyimiz kimi Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev cari ilin 1 fevral tarixində İran İslam Respublikasına səfər edib. Hikmət Hacıyev İran Prezidentinin müşaviri Mehdi Sənayi ilə görüşüb, ikitərəfli əlaqələr və regional əməkdaşlıq məsələlərinə dair fikir mübadiləsi aparıb. Daha sonra Hikmət Hacıyev ölkəmizin İrandakı səfirliyinin yeni binasını ziyarət edib. Prezdentin köməkçisi Ulu öndər Heydər Əliyevin büstü önünə gül dəstəsi qoyub və səfirliyin yeni inzibati binası ilə tanış olub.
Bir müddət qapısı bağlı qalan səfirliyimiz indi yeni binada, ölkəmizin nüfuzuna, adına layiq formada öz fəaliyyətini bərpa edib.
Bundan sonra Hikmət Hacıyevin məntiqi ardıcılıqla sıralanan görüşləri region və dünya dövlətləri üçün ləyaqətli, cəsarətli diplomatiyanın Azərbaycan modelidir.
İran Prezidentinin müşaviri Mehdi Sənayi ilə görüş xüsusi əhəmiyyət kəsb edir. Bu görüşdə ölkəmizin və xalqımızın ünvanına deyilən xoş sözlər, əslində, İranın yeni reallıqlarla barışdığını göstərir.
İranın Milli Təhlükəsizlik üzrə Ali Şurasının katibi Əli Əkbər Əhmədian ilə görüş gözlənilən kimi keçdi. Görüşdə Bakıda aparılmış müzakirələrin davamı olaraq iki ölkə arasında siyasi, iqtisadi əməkdaşlıq və regional təhlükəsizlik məsələləri ətrafında fikir mübadiləsi aparılıb və Şimal-Cənub Nəqliyyat Dəhlizinin əhəmiyyətini xüsusilə qeyd edilib.
İran uzun müddətdir sanksiyalara davam gətirir, lakin iqtisadiyyat yorulur, dövlət inkişafdan geri qalır. Belə bir situasiyada İranın yeganə çıxış yolu Azərbaycandır. Artıq rəsmi Tehran başa düşür ki, Azərbaycanı tərəfdaş kimi itirmək onların çöküşü ilə nəticələnəcək. Bundan sonrakı görüşlər isə yuxarıya doğru olmalı idi və oldu da.
Tehrana səfər çərçivəsində İran İslam Respublikası Prezidentinin siyasi müşaviri Dr. Mehdi Sanai və xarici işlər naziri cənab Abbas Araqçı ilə strateji müzakirələr aparıldı. Azərbaycan – İran dostluq münasibətlərinin sülh şəraitində birgəyaşayış, daxili işlərə qarışmama və mehriban qonşuluq prinsipləri əsasında inkişaf etdirilməsi ilə bağlı aparılan fikir mübadiləsi münasibətlərin yeni müstəviyə daşındığından xəbər verir.
Və budur... Məntiqi sonluğun əyani nümunəsi: İran Prezidenti Məsud Pezeşkian Azərbaycan Prezidentinin köməkçisi Hikmət Hacıyevi qəbul edib. Görüşdə H.Hacıyev Azərbaycan Prezidenti İlham Əliyevin səmimi salamlarını və ölkəmizə səfərə dəvətini İran Prezidentinə çatdırıb. İran Prezidenti salamlara, dəvətə görə təşəkkürünü bildirib və onun da səmimi salamlarını Prezident İlham Əliyevə çatdırılmasını xahiş edib.
Bu diplomatiyanın İlham Əliyev modelidir, bu diplomatiyanın Azərbaycan modelidir. Zamanında üzərimizə gələn, düşməni gizli (red. daha sonra açıq-aydın) dəstəkləyən bir islam ölkəsi reallıq hissini itirmək üzərə idi. Azərbaycan konflikt, münaqişə yolunu seçmədi, reallığı ortaya qoydu. Bəli, Prezident İIham Əliyevin ortaya qoymuş olduğu siyasi, iqtisadi və mədəni reallıqlar regionun bütün dövlətləri və xalqları üçün yeganə və unikal çıxış yoludur. Qəliz heç nə yoxdur, sadəcə rəsmi Tehran doğru yola çıxaraq yeni regional reallıqları qəbul etməyi bacardı.
Səbuhi Abbasov
7NEWS.az baş redaktor
QHT sədri
Bir müddət qapısı bağlı qalan səfirliyimiz indi yeni binada, ölkəmizin nüfuzuna, adına layiq formada öz fəaliyyətini bərpa edib.
Bundan sonra Hikmət Hacıyevin məntiqi ardıcılıqla sıralanan görüşləri region və dünya dövlətləri üçün ləyaqətli, cəsarətli diplomatiyanın Azərbaycan modelidir.
İran Prezidentinin müşaviri Mehdi Sənayi ilə görüş xüsusi əhəmiyyət kəsb edir. Bu görüşdə ölkəmizin və xalqımızın ünvanına deyilən xoş sözlər, əslində, İranın yeni reallıqlarla barışdığını göstərir.
İranın Milli Təhlükəsizlik üzrə Ali Şurasının katibi Əli Əkbər Əhmədian ilə görüş gözlənilən kimi keçdi. Görüşdə Bakıda aparılmış müzakirələrin davamı olaraq iki ölkə arasında siyasi, iqtisadi əməkdaşlıq və regional təhlükəsizlik məsələləri ətrafında fikir mübadiləsi aparılıb və Şimal-Cənub Nəqliyyat Dəhlizinin əhəmiyyətini xüsusilə qeyd edilib.
İran uzun müddətdir sanksiyalara davam gətirir, lakin iqtisadiyyat yorulur, dövlət inkişafdan geri qalır. Belə bir situasiyada İranın yeganə çıxış yolu Azərbaycandır. Artıq rəsmi Tehran başa düşür ki, Azərbaycanı tərəfdaş kimi itirmək onların çöküşü ilə nəticələnəcək. Bundan sonrakı görüşlər isə yuxarıya doğru olmalı idi və oldu da.
Tehrana səfər çərçivəsində İran İslam Respublikası Prezidentinin siyasi müşaviri Dr. Mehdi Sanai və xarici işlər naziri cənab Abbas Araqçı ilə strateji müzakirələr aparıldı. Azərbaycan – İran dostluq münasibətlərinin sülh şəraitində birgəyaşayış, daxili işlərə qarışmama və mehriban qonşuluq prinsipləri əsasında inkişaf etdirilməsi ilə bağlı aparılan fikir mübadiləsi münasibətlərin yeni müstəviyə daşındığından xəbər verir.
Və budur... Məntiqi sonluğun əyani nümunəsi: İran Prezidenti Məsud Pezeşkian Azərbaycan Prezidentinin köməkçisi Hikmət Hacıyevi qəbul edib. Görüşdə H.Hacıyev Azərbaycan Prezidenti İlham Əliyevin səmimi salamlarını və ölkəmizə səfərə dəvətini İran Prezidentinə çatdırıb. İran Prezidenti salamlara, dəvətə görə təşəkkürünü bildirib və onun da səmimi salamlarını Prezident İlham Əliyevə çatdırılmasını xahiş edib.
Bu diplomatiyanın İlham Əliyev modelidir, bu diplomatiyanın Azərbaycan modelidir. Zamanında üzərimizə gələn, düşməni gizli (red. daha sonra açıq-aydın) dəstəkləyən bir islam ölkəsi reallıq hissini itirmək üzərə idi. Azərbaycan konflikt, münaqişə yolunu seçmədi, reallığı ortaya qoydu. Bəli, Prezident İIham Əliyevin ortaya qoymuş olduğu siyasi, iqtisadi və mədəni reallıqlar regionun bütün dövlətləri və xalqları üçün yeganə və unikal çıxış yoludur. Qəliz heç nə yoxdur, sadəcə rəsmi Tehran doğru yola çıxaraq yeni regional reallıqları qəbul etməyi bacardı.
Səbuhi Abbasov
7NEWS.az baş redaktor
QHT sədri
