Keçmiş UFC çempionu Konor Makqreqor bloqer Loqan Paula qarşı keçirəcəyi döyüşün hazırlıqlarına başlayıb.
“Qafqazinfo” xəbər verir ki, bu barədə TASS məlumat yayıb.
Qarşılaşmanın 2025-ci ilin yayında Hindistanda təşkil olunması planlaşdırılır. Konorun artıq döyüş hazırlıqlarına başladığı bildirilir.
Qeyd edək ki, 36 yaşlı irlandiyalı döyüşçü Makqreqor MMA üzrə 22 qələbə və 6 məğlubiyyəti var. Konor Makqreqor iki dəfə UFC çempionluq kəmərinə sahib olub. O, “Absolute Fighting Championship” turnirində amerikalı Maykl Çandlerlə döyüşməli olsa da, hazırlıq zamanı ayaq barmağını sındırdığı üçün döyüş ləğv edilib. Bundan əvvəl, 2021-ci ilin iyulunda Dastin Puare ilə son döyüşündə Makqreqor ayağını qırmışdı.
Onun son döyüşü 2021-ci ilin iyulunda baş tutub.
