Almaniya Bundestaqı əlavə 155 mm-lik artilleriya sursatları almağa qərar verib.
APA xəbər verir ki, bu barədə ölkənin Müdafiə Nazirliyi məlumat yayıb.
Bildirilib ki, satınalmalar döyüş sursatına ciddi ehtiyacı olan Ukraynanı dəstəkləməyə davam etmək üçün istifadə oluna bilər, eyni zamanda Almaniyanın öz ehtiyatlarının daha da artırılmasına töhfə verə bilər.
“Minlərlə mərminin istehsalı və tədarükü alman silah şirkəti ilə razılaşdırılıb. Təxminən 880 milyon avroluq maliyyə tələbi həm Bundesverin xüsusi fondlarından, həm də müdafiə büdcəsindən qarşılanacaq”, - nazirlik qeyd edib.
