Tehranda ibtidai məktəblər və bağçalar bağlandı

REGİON 22 noy 2022, 18:00
İranın Tehran əyalətində dekabrın 1-dək ibtidai məktəblər və bağçalar bağlanıb.

Bu barədə Tehran qubernatorunun mülki məsələlər üzrə müavini Abid Maleki bildirib.

Onun sözlərinə görə, qərar Tehranın Havanın Çirklənməsi ilə Mübarizə Fövqəladə Komitəsi ilə birlikdə verilib:

“Pardis, Firuzkuh və Damavənd istisna olmaqla, Tehran vilayətinin bütün şəhərlərində uşaq bağçaları və məktəbəqədər təhsil müəssisələri bağlanır, məktəblərdə dərslər onlayn formada keçiriləcək”, - deyə o bildirib.

Qubernatorun müavini sabahdan etibarən açıq məkanlarda idmanın qadağan olunduğunu əlavə edib.

Həmçinin vətəndaşlar müvafiq N95 maskalarından istifadə etməyə çağırılıb./oxu.az

DİGƏR XƏBƏRLƏR

XƏBƏR LENTİ
Top