Azərbaycanda “Coca-Cola” şirkəti məhkəməyə verildi

GÜNDƏM 02 iyn 2022, 21:20

“Coca-Cola” məhsullarının Azərbaycandakı istehsalçısı “Koka-Kola Bottlers LTD” MMC barəsində məhkəmə iddiası qaldırılıb.

“Qafqazinfo”nun məlumatına görə, şirkət gömrük qanunvericiliyini pozmaqda təqsirli bilinir.

“Azərbaycan Koka-Kola Bottlers LTD” MMC barəsində Dövlət Gömrük Komitəsi tərəfindən tərtib olunan cərimə protokolu baxılması üçün Binəqədi Rayon Məhkəməsinə göndərilib. İşə hakim Elçin Ağayevin sədrliyi ilə baxılacaq.

Qanunu pozma faktı məhkəmə qaydasında təsdiqini taparsa, şirkəti cərimə cəzası gözləyir.

Qeyd edək ki, “Coca-Cola” içkilərinin Azərbaycandakı istehsalçısı 1996-cı ildən fəaliyyət göstərir. Bundan başqa “Fanta”, “Sprite” və “Bonaqua” içkiləri də məhz həmin şirkət tərəfindən Azərbaycan bazarına çıxarılır.

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
28 mar 2024, 17:53
Top