Düşmən Tərtərə mərmi yağdırır. Oktyabrın 2-də səhər saatlarından başlayaraq, düşmən qüvvələri işğal olunmuş ərazilərimizdən Tərtər şəhəri və ətraf kəndləri intensiv top atəşinə tutmaqda davam edib.
“Yeni Müsavat”ın əməkdaşı hadisə yerindən xəbər verir ki, bir qədər əvvəl Tərtər şəhərinin mərkəzinə atılan mərmilər 5 mərtəbəli yaşayış binasında dağıntılara səbəb olub. İnzibati binalara ciddi ziyan dəyib. İtki yoxdur. Hazırda atışma davam edir.
