Prezident İlham Əliyevin sərəncamı ilə Adış Məmmədov Azərbaycan Respublikasının Çexiya Respublikasında fövqəladə və səlahiyyətli səfiri təyin edilib.
Demokrat.az oxu.az-a istinadən xəbər verir ki, Adış Məmmədov bundan əvvəl də səfir vəzifəsində çalışıb.
Belə ki, Adış Məmmədov 2013-cü ilin 12 avqustunda Prezident İlham Əliyev tərəfindən Azərbaycan Respublikasının İsveç Krallığındakı səfiri postuna gətirilib.
2018-ci ilin noyabrında o, vəzifəsindən geri çağırılıb.
Qeyd edək ki, Adış Məmmədov Qafqaz Müsəlmanları İdarəsinin sədri Allahşükür Paşazadənin kürəkənidir.
O, Allahşükür Paşazadənin qızı Əmanət Paşazadənin həyat yoldaşıdır.
