Millət vəkili, Xalq artisti Polad Bülbüloğlu son illər görmə qabiliyyətində üzləşdiyi ciddi problemlər səbəbindən İsraildə ağır əməliyyatlar keçirdiyini açıqlayıb.
Demokrat.az xəbər verir ki, bu barədə P.Bülbüloğlu Təl-Əvivdə fəaliyyət göstərən "Sheinkin40" adlı yutub kanalına müsahibəsində danışıb.
Bakıda baş tutan müsahibə Xalq artisti bildirib ki, ABŞ, Rusiya və digər ölkələrdə konsultasiyalarda olsa da, nəticəni yalnız İsraildə ala bilib:
"İsraildə 5 ağır əməliyyat keçirdim. Onlardan 4-ü Hayfada, 1-i isə Təl-Əvivdə baş tutub. Orada çox böyük diqqət və qayğı hiss edirdim. Onlar sayəsində bu gün qarşınızda oturub sizi görürəm".



