Demokrat.az xəbər verir ki, yeni sistemin əsas üstünlüyü havalandırma borusuna ehtiyac yaratmamasıdır. Beləliklə, təmir zamanı əlavə borular çəkməyə, onları şkafların arxasında gizlətməyə ehtiyac qalmır. Bu da xüsusilə kiçik mətbəxlərdə yerə qənaət etməyə imkan verir.
Resirkulyasiyalı aspiratorlar yağ və kömür filtrləri vasitəsilə qoxuları və havadakı bəzi çirkləndiriciləri tutur. Bəzi müasir modellər yeməyin hazırlanma intensivliyinə uyğun olaraq gücünü avtomatik tənzimləyir.
Lakin bu sistemlərin çatışmazlığı da var: onlar artıq rütubəti otaqdan çıxarmır və tam havalandırmanı təmin etmir. Xüsusilə qaz plitəsi olan mətbəxlərdə havanı çölə ötürən aspiratorlardan istifadə daha məqsədəuyğun hesab olunur.
Buna görə də yeni sistemlər daha çox elektrik və induksiya plitəsi olan, eyni zamanda ayrıca havalandırması təmin edilən mətbəxlər üçün uyğun seçim sayılır.
