Yeni "iPhone 18 Pro" və "iPhone 18 Pro" Max bir çox cəhətdən ötənilki modelləri təkrarlayır. Bununla belə, "Apple" şirkəti "iPhone 17 Pro"dan yeni modellərə keçmək istəyən istifadəçilər üçün bir sıra məqsədyönlü təkmilləşdirmələr təqdim edib. Əsas dəyişikliklər məhsuldarlıq, kameralar, batareyanın işləmə müddəti və naqilli enerji doldurma sürəti ilə bağlıdır.
Demokrat.az xəbər verir ki, bu barədə "MacRumors " yazıb.
Bir neçə əsas xüsusiyyət isə dəyişməz qalıb. "iPhone 18 Pro" və "iPhone 18 Pro" Max 6,3 və 6,9 düymlük ekranlarla, 3000 nitədək maksimal parlaqlıqla təchiz olunub. Həmçinin ultra genişbucaqlı və telefoto kameraların təsvir ölçüsü əvvəlki kimi 48 meqapikseldir. "MagSafe" və "Qi2" texnologiyalarında da maksimal 25 Vt güc məhdudiyyəti saxlanılıb.
"MacRumors" portalı "iPhone 17 Pro" ilə "iPhone 18 Pro" arasındakı əsas fərqləri açıqlayıb.
Əsas yeniliklər
* A19 Pro əvəzinə A20 Pro çipi: Mərkəzi prosessorun (CPU) məhsuldarlığı 20%, qrafik prosessorun (GPU) məhsuldarlığı isə 40% artıb.
* A19 Pro-dakı 6 nüvəli GPU əvəzinə 7 nüvəli GPU.
* İki 16 nüvəli blokdan ibarət yeni Dual Neural Engine sayəsində süni intellekt məlumatlarının emalı məhsuldarlığı iki dəfə yüksəlib.
* Yeni soyutma sistemi: buxar kamerasının sahəsi üç dəfə artırılıb. Bu, uzunmüddətli yüklənmə zamanı məhsuldarlığın 40% yüksəlməsinə imkan verir.
* Kiçildilmiş Dynamic Island: eyni vaxtda üçədək Live Activities göstərə bilir.
* Dəyişən diafraqmalı 48 meqapiksellik əsas kamera: "iPhone 17 Pro"-dakı sabit ƒ/1,78 diafraqma əvəzinə ƒ/1,48, ƒ/1,8, ƒ/2,8 və ƒ/4 göstəriciləri.
* Əsas kamerada zəif işıq şəraitində çəkiliş keyfiyyəti təxminən 50% yaxşılaşıb.
* Kameranın yeni manual parametrləri: istifadəçi diafraqmanı, ekspozisiya müddətini və ağ balansını müstəqil şəkildə dəyişə bilər.
* Avtentikasiya edilmiş fotoşəkillər yaratmaq üçün yeni Apple Reference Image funksiyası. Bu funksiyanın yaratdığı fotoşəkillərin məlumatlarını çəkilişdən sonra dəyişmək mümkün deyil.
* Kinematoqrafik effektləri videonu çəkdikdən sonra əlavə etmək imkanı.
* 4K Dolby Vision formatında kinematoqrafik rejimdə saniyədə 60 kadradək çəkiliş. Əvvəlki nəsildə bu göstərici saniyədə 30 kadr idi.
* 4K Dolby Vision formatında taymlaps çəkilişi.
* Təkmilləşdirilmiş Audio Mix funksiyası: səsin daha keyfiyyətli emalı və musiqinin daha yaxşı təcrid olunması.
* Foto və video çəkilişi üçün yeni ağıllı fokus izləmə sistemi.
* 1080p təsvir ölçüsündə zəif işıq şəraitində video çəkilişinin yaxşılaşdırılması.
* Batareyanın işləmə müddəti: "iPhone 18 Pro"-da video izləmə 36 saatadək, "iPhone 17 Pro"-da isə 33 saatadək davam edir.
* "iPhone 18 Pro" Max-da video izləmə müddəti 45 saatadəkdir. "iPhone 17 Pro" Max-da bu göstərici 39 saat təşkil edir.
* Daha sürətli naqilli enerji doldurma: batareyanı 15 dəqiqəyə 50%-dək doldurmaq mümkündür. Əvvəlki modellərdə bu müddət 20 dəqiqə idi.
* 2 TB yaddaşa malik "iPhone 18 Pro" versiyası. Əvvəllər 6,3 düymlük Pro modelində maksimal yaddaş tutumu 1 TB təşkil edirdi.
* Yeni rənglər: Black, Silver, Glacier və Burgundy. Əvvəlki nəsildə Silver, Cosmic Orange və Deep Blue rəngləri təklif olunurdu.
* Çəkinin artması: "iPhone 18 Pro" 5 qram, "iPhone 18 Pro" Max isə 16 qram ağırlaşıb.
* Qiymət 100 dollar artıb: "iPhone 18 Pro"-nun qiyməti 1199 dollardan, "iPhone 18 Pro" Max-ın qiyməti isə 1299 dollardan başlayır.
Jalə Demokrat.az
