Şanxay Əməkdaşlıq Təşkilatının (ŞƏT) Bişkekdə keçirilən sammiti çərçivəsində Azərbaycan Prezidenti İlham Əliyev və Ermənistanın Baş naziri Nikol Paşinyan arasında keçirilən görüşdən sonra iki ölkənin nümayəndələri arasında sülh gündəliyi üzrə müzakirələr davam etdirilib.
Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Ermənistan Təhlükəsizlik Şurasının katibi Armen Qriqoryanla görüşdüyünü bildirib.
Hikmət Hacıyev qeyd edib ki, İlham Əliyev və Nikol Paşinyanın Bişkekdəki görüşündən sonra Armen Qriqoryanla sülh gündəliyi üzrə müzakirələr davam etdirilib.
Azərbaycan və Ermənistan liderlərinin görüşü ŞƏT və ŞƏT+ formatında əsas tədbirlərdən əvvəl Bişkekdə baş tutub və təxminən 1 saat 30 dəqiqə davam edib.
Bişkekdə liderlər səviyyəsində keçirilən görüşün ardınca danışıqların yüksək səviyyəli rəsmilər arasında davam etdirilməsi Azərbaycan-Ermənistan sülh gündəliyinin praktiki müzakirələrinin də gündəmdə qaldığını göstərir.
*** 09:13
Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev və Ermənistan Təhlükəsizlik Şurasının katibi Alen Simonyan arasında görüş keçirilib.
Demokrat.az xəbər verir ki, bu barədə Hikmət Hacıyev "X" hesabında paylaşım edib.
"Prezident İlham Əliyevlə Baş nazir Nikol Paşinyanın Bişkekdə keçirilən görüşündən sonra sülh gündəliyi üzrə müzakirələr Alen Simonyanla davam etdirilib", - deyə paylaşımda bildirilib.
Following the meeting between President Ilham Aliyev and Prime Minister Nikol Pashinyan in Bishkek, discussions on the peace agenda continued with Alen Simonyan. pic.twitter.com/Ku1xPvfcYU
— Hikmet Hajiyev (@HikmetHajiyev) September 1, 2026
Demokrat.az
