Ağız qoxusu bir çox insanın gündəlik həyatına və sosial münasibətlərinə mənfi təsir göstərən problemlərdən biridir. Bir çox insan xoşagəlməz qoxunu aradan qaldırmaq üçün saqqız, nanəli konfet, ağız spreyi və qarqaradan istifadə edir. Lakin bu üsullar problemi yalnız qısa müddətə maskalaya bilər.
Mütəxəssislərin fikrincə, ağız qoxusunun səbəbi əksər hallarda ağız boşluğunda yaranan problemlərlə əlaqəli olur. Dil səthində toplanan bakteriyalar, diş daşları, diş əti xəstəlikləri və çürük dişlər xoşagəlməz qoxunun əsas səbəbləri arasında göstərilir.
Ən çox rast gəlinən səbəb ağız boşluğundadır
Halitoz kimi tanınan ağız qoxusu hər zaman mədə ilə əlaqəli olmur. Diabet və bəzi mədə-bağırsaq xəstəlikləri kimi sistemik problemlər olmadığı halda, qoxunun mənbəyi çox vaxt ağız boşluğunda olur.
Xüsusilə dilin üzərində yığılan bakteriyalar ağız qoxusunun yaranmasında mühüm rol oynayır.
Leyla Demokrat.az
