Ajda Pekkan səhnə performansı və fit görünüşü ilə yanaşı, dəbdəbəli seçimləri ilə də diqqət çəkməyə davam edir.
Demokrat.az xəbər verir ki, 80 yaşlı sənətçinin dünyaca məşhur markaya məxsus, xüsusi istehsal olduğu bildirilən və təxminən 5 milyon türk lirəsi dəyərində olan saatı maqazin gündəminə düşüb.
Uzun illərdir musiqi karyerasını uğurla davam etdirən Ajda Pekkan bu dəfə səhnəsi ilə deyil, qolundakı dəbdəbəli aksesuarla gündəmə gəlib.
"Takvim" qəzetindən Ufuk Özcanın məlumatına görə, Pekkan 12 hissədən ibarət olduğu bildirilən saat kolleksiyasına təxminən 5 milyon türk lirəsi dəyərində xüsusi istehsal model də əlavə edib.
Daşınmaz əmlakı, zinət əşyaları və qiymətli aksesuarları ilə tez-tez maqazin mətbuatında yer alan Ajda Pekkanın sərvəti ilə bağlı da illərdir müxtəlif iddialar səsləndirilir. Sənətçinin bank hesablarında təxminən 70 milyon dollar olduğu iddia edilsə də, Pekkan tərəfindən bu rəqəmi təsdiqləyən rəsmi açıqlama verilməyib.
Ajda Pekkan ötən il satışa çıxardığı bildirilən dəbdəbəli malikanəsi ilə də gündəmə gəlmişdi. Təxminən 8,6 milyon dollar dəyərində olduğu iddia edilən daşınmaz əmlak sənətçinin sərvəti və investisiyaları ilə bağlı xəbərləri yenidən gündəmə gətirmişdi.
1960-cı illərdən etibarən türk pop musiqisinin ən mühüm simalarından biri olan Ajda Pekkan səhnə enerjisi ilə yanaşı, moda və aksesuar seçimləri ilə də diqqət çəkir. Təxminən 5 milyon türk lirəsi dəyərində olduğu bildirilən son saat da "Superstar"ın dəbdəbəli kolleksiyasının ən diqqətçəkən əşyalarından birinə çevrilib.
Jalə Demokrat.az
