Qış üçün hazırlanmış bu konservləşdirilmiş xiyarlar təbii mayalanma və konservləşdirmə üsullarını birləşdirir. Bunun sayəsində tərəvəzlər həm xırtıldayan, həm də olduqca dadlı qalır və qış boyu rahatlıqla saxlanılır.
Demokrat.az bu reseptlə çəllək dadında konservləşdirilmiş xiyarın hazırlanma qaydasını təqdim edir.
Çəllək dadında turşuya qoyulmuş xiyarın uzunmüddətli saxlanma üsulu
Təklif olunan reseptdə xiyar çəlləksiz hazırlansa da, dadına görə ənənəvi çəllək xiyarı ilə demək olar ki, fərqlənmir. Təbii mayalanma prosesi sayəsində xiyarlar xırtıldayan, ətirli olur və bütün qış ərzində yaxşı saxlanılır.
Lazım olacaq:
* xiyar; * iri dənəli duz; * sarımsaq; * sarımsaq yarpaqları; * xren kökü; * şüyüd çətirləri; * qara qarağat yarpaqları; * albalı yarpaqları.
Qeyd: 1 litrlik banka üçün də eyni ərzaqlar istifadə olunur, yalnız duz və sirkənin miqdarı dəyişir.
Hazırlanma qaydası
Üç litrlik bankaları xiyarla doldurun, üzərinə sarımsaq, göyərtilər və digər ərzaqları əlavə edin. Bankaları soyuq su ilə doldurun, sonra həmin suyu ayrıca qaba boşaldın. Hər üç litrlik banka üçün suya bir stəkan iri dənəli duz əlavə edib tam həll olana qədər qarışdırın. Bu resept üçün iri üyüdülmüş duzdan istifadə etmək tövsiyə olunur.
Hazırlanmış duzlu məhlulu yenidən bankalara tökün və onları təxminən iki gün saxlayın. Bu müddətdə məhlul bulanacaq və səthində köpük əmələ gələcək. Bu, mayalanma prosesinin başladığını göstərir.
Sonra duzlu məhlulu qazana süzün, qaynadın, yaranan köpüyü yığın və lazım gələrsə, təxminən stəkanın üçdə biri qədər qaynar su əlavə edin.
Qaynayan məhlulu dərhal bankalara ağzınadək doldurun.
Hər üç litrlik bankaya 1 xörək qaşığı 9 faizli sirkə əlavə edin və dərhal qapaqla bağlayın. Bankaların bağlanması üçün əvvəlcədən bir neçə dəqiqə qaynadılmış möhkəm kapron qapaqlardan istifadə edin.
Bundan əvvəl qış üçün litrlik bankalarda xırtıldayan marinadlanmış balqabağın sadə hazırlanma resepti barədə də məlumat vermişdik.
Jalə Demokrat.az
