Yeni Zelandiyanın paytaxtı Vellinqtonda son 15 ildə ilk dəfə qar yağıb. Buna səbəb Antarktidadan ölkəyə daxil olan güclü soyuq hava kütləsi olub.
Demokrat.az xəbər verir ki, meteoroloqların məlumatına görə, avqustun 4-dən etibarən təsirini göstərən soyuq hava dalğası ölkənin bir çox bölgəsində şaxta, qar, dolu və güclü küləklə müşayiət olunub. Avqustun 5-i səhər Cənub adasındakı üç yaşayış məntəqəsində havanın temperaturu -9 dərəcəyədək enib.
"MetService" meteoroloji xidməti bildirib ki, gün ərzində temperaturun qismən yüksəlməsi gözlənsə də, gecə saatlarında yenidən kəskin soyuma baş verəcək. Proqnozlara əsasən, avqustun 6-sı səhər ölkənin bəzi bölgələrində bu ilin ən aşağı temperaturu qeydə alına bilər.
Soyuq hava elektrik enerjisinə tələbatı da artırıb. Milli enerji sistemi operatoru "Transpower" avqustun 5-i səhər pik saatlarda elektrik istehlakının rekord həddə çatdığını açıqlayıb. Şirkət avqustun 6-sı səhər bəzi ərazilərdə enerji çatışmazlığı yarana biləcəyi barədə xəbərdarlıq edib.
Jalə Demokrat.az
