2026-cı il iyulun 22-dən avqustun 22-dək davam edəcək Şir mövsümü güclü enerji axını gətirəcək və bir çoxlarının donmuş problemləri geridə qoya biləcəyi bir vaxt olacaq.
Demokrat.az "YourTango"ya istinadən xəbər verir ki, beş Bürc əlaməti üçün Şir mövsümü çətinliklərin tədricən yeni imkanlara yol verəcəyi bir vaxt olacaq.
Xərçəng
Astroloji proqnozlara görə, Xərçəng bürcü üçün bu dövr maliyyə vəziyyətinin yaxşılaşması ilə yadda qala bilər. Yupiter, Günəş və daha sonra Merkuri gəlir və şəxsi dəyərlərlə bağlı sahəni aktivləşdirəcək. Bu isə gəlirlərin artması və özünəinamın möhkəmlənməsi üçün imkanlar yarada bilər.
Şəxsi münasibətlərdə də müsbət dəyişikliklər gözlənilir. Avqustun 6-dan etibarən Veneranın təsirinin harmoniyanı gücləndirəcəyi, münasibətdə olanların isə tərəfdaşları ilə daha asan anlaşacağı bildirilir.
Avqustun 10-da Marsın Xərçəng bürcünə keçməsinin enerji və təşəbbüskarlığı artıracağı, avqustun 12-də baş verəcək Günəş tutulmasının isə gələcək istiqaməti daha aydın müəyyənləşdirməyə kömək edə biləcəyi qeyd olunur.
Qoç
Qoç bürcü üçün Şir mövsümü sevgi həyatında uğurlu dövr kimi qiymətləndirilir. Astroloqlar hesab edirlər ki, subaylar həyatlarında mühüm rol oynaya biləcək biri ilə tanış ola, münasibətdə olanların əlaqələri isə daha da möhkəmlənə bilər.
Bu dövr yaradıcılıq və zövq verən fəaliyyətlər üçün də əlverişli sayılır. Avqustun 9-dan sonra şəxsi həyat, dostlar və ailə ilə bağlı xoş xəbərlər almaq ehtimalının artacağı bildirilir.
Avqustun 12-dəki Günəş tutulmasının yeni mərhələnin başlanğıcını simvolizə edə biləcəyi, Marsın Xərçəng bürcünə keçməsinin isə ailə və ev məsələlərini ön plana çıxaracağı qeyd olunur.
Şir
Astroloji yozumlara görə, Şir bürcü üçün ilin ən uğurlu mərhələlərindən biri başlayır. Günəş və Yupiterin bu bürcdə yerləşməsi özünəinamı, cazibədarlığı və uğur hissini gücləndirə bilər.
Merkurinin ünsiyyət bacarıqlarını artıracağı, Veneranın Tərəzi bürcünə keçməsinin isə yeni tanışlıqlar və münasibətlər üçün əlverişli şərait yaradacağı bildirilir.
Avqustun 12-də baş verəcək Günəş tutulmasının keçmiş çətinlikləri geridə qoyaraq yeni həyat mərhələsinə keçidi simvolizə edə biləcəyi qeyd olunur.
Tərəzi
Tərəzi bürcünü aktiv ünsiyyət və yeni tanışlıqlar dövrünün gözlədiyi bildirilir. Astroloji proqnozlara görə, Şir mövsümü faydalı əlaqələrin qurulmasına və uzunmüddətli məqsədlərə yaxınlaşmağa kömək edə bilər.
Avqustun 6-dan sonra Veneranın Tərəzi bürcünə keçməsinin cazibədarlığı artıracağı və ətrafdakı insanların diqqətini daha çox cəlb edəcəyi qeyd olunur.
Yupiter və Merkurinin dostluq, kollektiv fəaliyyət və arzuların reallaşması ilə bağlı sahələri aktivləşdirəcəyi, avqustun 12-dəki Günəş tutulmasının isə yeni imkanlara yol aça biləcəyi bildirilir.
Əkizlər
Astroloji yozumlara görə, Əkizlər bürcü üçün bu dövr yeni ideyalar, ünsiyyət və fəallıqla yadda qala bilər. Şir bürcündə yerləşən planetlərin öyrənmək, səyahət etmək və yaxınlarla daha çox vaxt keçirmək istəyini artıracağı qeyd olunur.
Veneranın sevgi və əyləncə sahəsində xoş hadisələr vəd etdiyi, dostlarla görüşlərin, hobbilərin və sosial fəaliyyətlərin daha çox sevinc gətirə biləcəyi bildirilir.
Yupiterin ünsiyyət, təhsil və bilik mübadiləsi sahəsində uğur vəd etdiyi vurğulanır. Xüsusilə yazıçılar, müəllimlər, jurnalistlər və sözlə çalışan digər peşə sahibləri üçün bu dövrün əlverişli ola biləcəyi, yaxın çevrə ilə münasibətlərin istiləşməsi və nikbinliyin artmasının mümkün olduğu qeyd edilir.
