Ermənistanın baş naziri Nikol Paşinyan "Mənim addımım" fraksiyasının keçmiş üzvü Sofiya Ovsepyana qarşı mülki iddia qaldırıb.
Demokrat.az Ermənistan mətbuatına istinadən xəbər verir ki, hökumət başçısı təxminən 16.200 dollara bərabər olan 6 milyon dram məbləğində pul təzminatı tələb edib. Buna səbəb isə qadının onu “iyrənc” adlandırmasıdır. Paşinyan təhqirə görə keçmiş tərəfdarından 2 milyon dram, böhtana görə isə əlavə 4 milyon dram təzminat almaq niyyətindədir. Siyasətçi həmçinin cavabdehin qərarın qüvvəyə minməsindən sonrakı beş iş günü ərzində ictimaiyyətdən üzr istəməsini tələb edir.
Qeyd edək ki, Sofiya 2018-ci ildə Paşinyanın rəhbərlik etdiyi fraksiyada parlamentə seçilib və 2021-ci ilin əvvəlində "Mənim addımım" fraksiyasından ayrılaraq bitərəf millət vəkili olub.
Demokrat.az
